ქალაქ თბილისის მთავრობის
დადგენილება № 11.04.424
2011 წლის 10 მაისი
ქ. თბილისი
„ ქ. თბილისის ტერიტორიაზე მწვანე ნარგავების მოვლისა და აღდგ ენის წესის დამტკიცების შესახებ“ ქ. თბილისის მთავრობის 2011 წლის 31 იანვრის №02.01.32 დადგენილებაში ცვლილების შეტანის შესახებ
„ ნორმატიული აქტების შესახებ’’ საქართველოს კანონის მე-20 მუხლის შესაბამისად, ქ. თბილისის მთავრობა ადგენს:
1. „ ქ. თბილისის ტერიტორიაზე მწვანე ნარგავების მოვლისა და აღდგენის წესის დამტკიცების შესახებ’’ ქ. თბილისის მთავრობის 2011 წლის 31 იანვრის №02.01.32 დადგენილებით დამტკიცებულ „ ქ. თბილისის ტერიტორიაზე მწვანე ნარგავების მოვლისა და აღდგენის წესში“ შევიდეს ცვლილება და წესს დაემატოს შემდეგი შინაარსის 192 მუხლი:
„მუხლი 192. ჩამორთმეული ან/და ინსპექტირებისას გამოვლენილი უკანონოდ მოპოვებული მწვანე ნარგავების განკარგვა
1. ჩამორთმეული ან/და ინსპექტირებისას გამოვლენილი უკანონოდ მოპოვებული მწვა ნე ნარგავები წარმოადგენს ქ. თბილისის თვით მმართველი ერთეულის საკუთრებას.
2 . ამ მუხლის პირველ პუნქტში აღნიშნული მწვანე ნარგავები, ქ. თბილისის მერიის ზედამხედველობის საქალაქო სამსახურის მიერ, შეიძლება დასაწყობდეს საამისოდ სპეციალურად გამოყოფილ ადგილას.
3 . ქ. თბილისის მერიის ზედამხედველობის საქალაქო სამსახურს უფლება აქვს ამ მუხლის პირველ პუნქტში აღნიშნული მწვანე ნარგავები საშეშე მერქნად, მიღება-ჩაბარების აქტის საფუძველზე, უსასყიდლოდ გადასცეს იურიდიულ ან ფიზიკურ პირებს, მათი სოციალური მდგომარეობის გათვალისწინებით, საკუთარი ინიციატივით ან/და გამგეობის შესაბამისი წერილობითი მომართვის საფუძველზე.
4 . ჩამორთმეული ან/და ინსპექტირებისას გამოვლენილი უკანონოდ მოპოვებული მწვანე ნარგავების გადაცემისას, მიღება-ჩაბარების აქტზე ხელს აწერს ქ. თბილისის მერიის ზედამხედველობის საქალაქო სამსახურის უფლებამოსილი პირი.
5 . ქ. თბილისის მერიის ზედამხედველობის საქალაქო სამსახური უზრუნველყოფს გადასაცემი მწვანე ნარგავების ტრანსპორტირებას საამისოდ სპეციალურად გამოყოფილ ტერიტორიამდე.
6 . ქ. თბილისის მერიის ზედამხედველობის საქალაქო სამსახურის მიერ ინსპექტირებისას გამოვლენილი სამართალდარღვევის იარაღი (იარაღები) კანონმდებლობით დადგენილი წესით გადაეცემა საჯარო სამართლის იურიდიული პირს – საქართველოს ფინანსთა სამინისტროს მომსახურების სააგენტოს.
7. სამართალდარღვევის იარაღის (იარაღების ) გადაცემისას, მიღება-ჩაბარების აქტზე ხელს აწერს ქ. თბილისის მერიის ზედამხედველობის საქალაქო სამსახურის უფლებამოსილი პირი.
8. საჯარო სამართლის იურიდიული პირის – საქართველოს ფინანსთა სამინისტროს მომსახურების სააგენტოსათვის გადაცემამდე ქ. თბილისის მერიის ზედამხედველობის საქალაქო სამსახური უზრუნველყოფს ჩამორთმე ული სამართალდარღვევის იარაღის (იარაღების) შენახვას.’’.
2. დ ადგენილება ძალაშია გამოქვეყნებისთანავე.
ქ. თბილისის მერი გ. უგულავა