საქართველოს თავდაცვის მინისტრის
ბრძანება №335
2011 წლის 6 მაისი
ქ. თბილისი
„ საქართველოს თავდაცვის სამინისტროს ადმინისტრაციის დებულების დამტკიცების თაობაზე“ საქართველოს თავდაცვის მინისტრის 2009 წლის 13 იანვრის №18 ბრძანებაში ცვლილებისა და დამატებების შეტანის შესახებ
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
მუხლი 1. „საქართველოს თავდაცვის სამინისტროს ადმინისტრაციის დებულების დამტკიცების თაობაზე“ საქართველოს თავდაცვის მინისტრის 2009 წლის 13 იანვრის №18 ბრძანებით (სსმ III, 14.01.2009წ., №4, მუხ.32) დამტკიცებული დებულების მე-10 მუხლის:
ა) პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:
„გ) საზოგადოებასთან ურთიერთობის სამმართველო:
გ.ა) საზოგადოებასთან ურთიერთობის განყოფილება;
გ.ბ) შემეცნებით-საგანმანათლებლო განყოფილება.’’.
ბ) მე-2 პუნქტს დაემატოს „ჟ“, „რ“ და „ს“ ქვეპუნქტები შემდეგი რედაქციით:
„ჟ) საზოგადოებრივი პროექტების მომზადება და განხორციელება;
რ) სამხედრო მოსამსახურეებისათვის, ყოფილი და გარდაცვლილი სამხედრო მოსამსახურეების ოჯახებისათვის საგანმანათლებლო და კულტურული ღონისძიებების დაგეგმვა და განხორციელება;
ს) კონცერტების, გამოფენების, კონკურსების და შემეცნებითი ღონისძიებების ორგანიზება.’’.
მუხლი 2. ბრძანება ამოქმედდეს გამოქვეყნებისთანავე.
ბ. ახალაია