საქართველოს კანონი
„საბაჟო ტარიფისა და გადასახადის შესახებ“ საქართველოს კანონში დამატებისა და ცვლილების შეტანის თაობაზე
მუხლი 1. „საბაჟო ტარიფისა და გადასახადის შესახებ“ საქართველოს კანონში (პარლამენტის უწყებანი, №13-14, 8.04.1998, გვ. 227) შეტანილ იქნეს შემდეგი დამატება და ცვლილება:
1. მე-16 მუხლს დაემატოს შემდეგი შინაარსის 51 პუნქტი:
„51. დროებითი შემოტანა ან/და გატანის საბაჟო რეჟიმში საქართველოს საბაჟო ტერიტორიაზე შემოტანილი საქონელი იბეგრება საბაჟო გადასახადით, იმ ოდენობით, რა ოდენობაც განსაზღვრულია საქართველოს საბაჟო ტერიტორიაზე იმპორტირებული (თავისუფალი მიმოქცევის რეჟიმში გაშვებული) საქონლის მიმართ.“.
2. მე-20 მუხლის მე-2 ნაწილი ჩამოყალიბდეს შემდეგი რედაქციით:
„2. 2001 წლის 1 იანვრიდან 2005 წლის 1 იანვრამდე თამბაქოს ნაწარმის (ნედლეულის გარდა) იმპორტი საბაჟო გადასახადით არ იბეგრება. თამბაქოს ნაწარმისათვის ნედლეული („ტრაპზონის“ ჯიშის თამბაქოს გარდა) 2004 წლის 31 დეკემბრამდე საბაჟო გადასახადით არ იბეგრება.“.
3. დანართი №1-ით გათვალისწინებული ცხრილის 1854-ე, 1858-ე და 1860-ე გრაფები ჩამოყალიბდეს შემდეგი რედაქციით:
„
| 1854 | 100110000 | - ხორბალი მაგარი | 0 | 0 | 0 |
| 1858 | 100190910 | - - - ხორბალი რბილი და მესლინი სათესლე | 0 | 0 | 0 |
| 1860 | 100200000 | ჭვავი | 0 | 0 | 0 |
“.
მუხლი 2. ეს კანონი ამოქმედდეს 2004 წლის 1 იანვრიდან.
საქართველოს პრეზიდენტის
მოვალეობის შემსრულებელი ნინო ბურჯანაძე
თბილისი,
2003 წლის 31 დეკემბერი.
№3183-რს