საქართველოს ეკონომიკისა და მდგრადი განვითარების მინისტრის
ბრძანება №1-1/629
2011 წლის 20 აპრილი
ქ. თბილისი
„განსაკუთრებული მნიშვნელობის ობიექტების მშენებლობის პროექტების სავალდებულო ექსპერტიზის ჩატარების დროებითი წესის დამტკიცების შესახებ” საქართველოს ეკონომიკური განვითარების მინისტრის 2006 წლის 24 აგვისტოს №1-1/823 ბრძანებაში ცვლილების შეტანის შესახებ
„საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონში ცვლილებებისა და დამატების შეტანის თაობაზე” 2010 წლის 29 ივნისის საქართველოს კანონის (№3153-რს) პირველი მუხლის „ა” ქვეპუნქტის, მე-2 მუხლის მე-10 პუნქტისა და „ნორმატიული აქტების შესახებ” საქართველოს კანონის მე-20 მუხლის მე-4 პუნქტის საფუძველზე, ვბრძანებ:
მუხლი 1. „განსაკუთრებული მნიშვნელობის ობიექტების მშენებლობის პროექტების სავალდებულო ექსპერტიზის ჩატარების დროებითი წესის დამტკიცების შესახებ” საქართველოს ეკონომიკური განვითარების მინისტრის 2006 წლის 24 აგვისტოს №1–1/823 ბრძანებით (სსმ III, 25.08.2006, №113, მუხ. 1552) დამტკიცებულ განსაკუთრებული მნიშვნელობის ობიექტების მშენებლობის პროექტების სავალდებულო ექსპერტიზის ჩატარების დროებით წესში შეტანილ იქნეს ცვლილება და მე-4 მუხლის მე-3 პუნქტის „გ” ქვეპუნქტი ჩამოყალიბდეს შემდეგი რედაქციით:
„გ) იმ შემთხვევაში, როდესაც განსაკუთრებული მნიშვნელობის ობიექტების მშენებლობის ნებართვას III სტადიაზე გასცემს საქართველოს ეკონომიკისა და მდგრადი განვითარების სამინისტრო, ექსპერტის/საექსპერტო ორგანიზაციის მონაცემები გადაეგზავნება საქართველოს ეკონომიკისა და მდგრადი განვითარების სამინისტროს შესათანხმებლად, „მშენებლობის ნებართვის გაცემის წესისა და სანებართვო პირობების შესახებ” საქართველოს მთავრობის 2005 წლის 11 აგვისტოს №140 დადგენილების მე-12 მუხლის მე-10 პუნქტის შესაბამისად”.
მუხლი 2. ბრძანება ამოქმედდეს გამოქვეყნებისთანავე.
ვ. ქობალია