საქართველოს პრეზიდენტის
ბრძანებულება №108
2002 წლის 14 მარტი
ქ. თბილისი
„სახელმწიფო კანცელარიასთან არსებული დამოუკიდებელ სახელმწიფოთა თანამეგობრობის და „მშვიდობიანი კავკასიის“ საკითხთა სახელმწიფო ბიუროს დამოუკიდებელ სახელმწიფოთა თანამეგობრობის და მშვიდობიანი კავკასიის საქმეთა სახელმწიფო ბიუროდ გარდაქმნის შესახებ“ საქართველოს პრეზიდენტის 1997 წლის 15 სექტემბრის №517 ბრძანებულებაში ცვლილების შეტანის თაობაზე
1. საქართველოს პრეზიდენტის 1997 წლის 15 სექტემბრის №517 ბრძანებულებით დამტკიცებულ დამოუკიდებელ სახელმწიფოთა თანამეგობრობის და მშვიდობიანი კავკასიის საქმეთა სახელმწიფო ბიუროს დებულების მე-4 მუხლის „ა“ პუნქტი ჩამოყალიბდეს შემდეგი რედაქციით:
„ა) სახელმწიფო ბიუროს ხელმძღვანელობს თავმჯდომარე, რომელსაც ჰყავს ორი მოადგილე“.
2. უზრუნველყოფილ იქნეს დამოუკიდებელ სახელმწიფოთა თანამეგობრობის და მშვიდობიანი კავკასიის საქმეთა სახელმწიფო ბიუროს საშტატო ნუსხის შესაბამისობა ამ ბრძანებულებასთან.
3. ამ ბრძანებულებით გათვალისწინებული ცვლილება განხორციელდეს „საქართველოს 2002 წლის სახელმწიფო ბიუჯეტის შესახებ“ საქართველოს კანონით დამოუკიდებელ სახელმწიფოთა თანამეგობრობის და მშვიდობიანი კავკასიის საქმეთა სახელმწიფო ბიუროსათვის გამოყოფილ ასიგნებათა ფარგლებში.
ე. შევარდნაძე