საქართველოს პრეზიდენტის
ბრძანებულება №733
1997 წლის 14 დეკემბერი
ქ. თბილისი
საქართველოს პრეზიდენტის 1997 წლის 15 სექტემბრის №517 ბრძანებულებასა და ამ ბრძანებულებით დამტკიცებულ დებულებაში ცვლილებების შეტანის შესახებ
დამოუკიდებელ სახელმწიფოთა თანამეგობრობის და მშვიდობიანი კავკასიის საქმეთა სახელმწიფო ბიუროს სტრუქტურის დახვეწისა და მუშაობის გაუმჯობესების მიზნით „სახელმწიფო კანცელარიასთან არსებული დამოუკიდებელ სახელმწიფოთა თანამეგობრობის და „მშვიდობიანი კავკასიის“ საკითხთა სახელმწიფო ბიუროს დამოუკიდებელ სახელმწიფოთა თანამეგობრობის და მშვიდობიანი კავკასიის საქმეთა სახელმწიფო ბიუროდ გარდაქმნის შესახებ“ საქართველოს პრეზიდენტის 1997 წლის 15 სექტემბრის №517 ბრძანებულებასა და ამ ბრძანებულებით დამტკიცებულ დამოუკიდებელ სახელმწიფოთა თანამეგობრობის და მშვიდობიანი კავკასიის საქმეთა სახელმწიფო ბიუროს დებულებაში შეტანილ იქნეს შემდეგი ცვლილებები:
1. ბრძანებულების პირველ პუნქტს დაემატოს სიტყვები: „...როგორც საქართველოს პრეზიდენტის განმგებლობაში მყოფი სახელმწიფო საქვეუწყებო დაწესებულება“.ׂ
2. დებულების მე-7 პუნქტიდან ამოღებულ იქნეს „პირდაპირი სამეურნეო კავშირების ხელშეწყობის განყოფილება.“.
3. დებულების მე-7 პუნქტის მე-9 აბზაცში სიტყვა „სამეურნეო“ შეიცვალოს სიტყვით „ადმინისტრაციული“.
ე. შევარდნაძე