ამბროლაურის მუნიციპალიტეტის საკრებულოს
დადგენილება №18
2011 წლის 11 აპრილი
ქ. ამბროლაური
„ამბროლაურის მუნიციპალიტეტის გამგეობის დებულების დამტკიცების შესახებ“ ამბროლაურის მუნიციპალიტეტის საკრებულოს 2010 წლის 16 ივლისის №17 დადგენილებაში ცვლილების შეტანის თაობაზე
მუხლი 1
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, შევიდეს ცვლილება „ამბროლაურის მუნიციპალიტეტის გამგეობის დებულების დამტკიცების შესახებ“ ამბროლაურის მუნიციპალიტეტის საკრებულოს 2010 წლის 16 ივლისის №17 დადგენილებაში (სსმ V, 30.07.2010 წ; №3; მუხ.41) და დადგენილებით დამტკიცებული დანართი №1-ის მე-8 მუხლის მე-7 პუნქტი ჩამოყალიბდეს შემდეგი რედაქციით:
„7. საქართველოს ორგანული კანონის „ადგილობრივი თვითმმართველობის შესახებ“ მე-16 მუხლის მე-2 პუნქტის „ლ“ ქვეპუნქტისა და საქართველოს კანონის „ტექნიკური საფრთხის კონტროლის შესახებ“ მე-13 მუხლის თანახმად, გამგებელი გამოსცემს მითითებას და/ან დადგენილებას არქიტექტურულ-სამშენებლო საქმიანობის დარღვევის თაობაზე.“.
მუხლი 2
ეს დადგენილება ამოქმედდეს გამოქვეყნებისთანავე.
საკრებულოს თავმჯდომარე კ. ფარჯანაძე