საქართველოს პრეზიდენტის
ბრძანებულება №312
2001 წლის 5 აგვისტო
ქ. თბილისი
„საქართველოს სახელმწიფო კანცელარიის დროებითი დებულებისა და სტრუქტურის დამტკიცების შესახებ“ საქართველოს პრეზიდენტის 1997 წლის 31 იანვრის №81 ბრძანებულებაში ცვლილებების შეტანის შესახებ
1. შეტანილ იქნეს ცვლილება „საქართველოს სახელმწიფო კანცელარიის დროებითი დებულებისა და სტრუქტურის დამტკიცების შესახებ“ საქართველოს პრეზიდენტის 1997 წლის 31 იანვრის №81 ბრძანებულებით დამტკიცებულ სტრუქტურაში:
ა) ჩამონათვალს სიტყვების „საქართველოს პრეზიდენტის თანაშემწე ეროვნული უშიშროების საკითხებში“ შემდეგ დაემატოს „საქართველოს პრეზიდენტის თანაშემწე საქართველოს პრეზიდენტის საჯარო და საგანგებო გამოსვლების მომზადების საკითხებში“;
ბ) ჩამონათვალიდან ამოღებულ იქნეს „საქართველოს პრეზიდენტის საჯარო და საგანგებო გამოსვლების მომზადების განყოფილება“.
2. შეტანილ იქნეს ცვლილება საქართველოს პრეზიდენტის 2001 წლის 21 ივლისის №286 ბრძანებულებით დამტკიცებულ საჯარო სამსახურის თანამდებობათა რეესტრის მეორე თავის მე-5 მუხლში და „გ“ ქვეპუნქტის შემდეგ დაემატოს „დ“ ქვეპუნქტი:
„დ) საქართველოს პრეზიდენტის თანაშემწე საქართველოს პრეზიდენტის საჯარო და საგანგებო გამოსვლების მომზადების საკითხებში“, ხოლო შემდგომი პუნქტები გადაინომროს ანბანის მიხედვით.
ე. შევარდნაძე