საქართველოს პრეზიდენტის
ბრძანებულება №485
2002 წლის 24 ნოემბერი
ქ. თბილისი
„მცირე საწარმოთა საკოორდინაციო საბჭოს შექმნის შესახებ“ საქართველოს პრეზიდენტის 2000 წლის 26 იანვრის №16 ბრძანებულებასა და ამ ბრძანებულებით დამტკიცებულ დებულებაში ცვლილებებისა და დამატებების შეტანის თაობაზე
„მცირე საწარმოთა საკოორდინაციო საბჭოს შექმნის შესახებ“ საქართველოს პრეზიდენტის 2000 წლის 26 იანვრის №16 ბრძანებულებასა და ამ ბრძანებულებით დამტკიცებულ დებულებაში შეტანილ იქნეს შემდეგი ცვლილებები და დამატებები:
1. საქართველოს პრეზიდენტის ბრძანებულებისა და დებულების სათაურსა და ტექსტს, გარდა ბრძანებულების მე-5 პუნქტისა, სიტყვის „მცირე“ შემდეგ დაემატოს სიტყვები „და საშუალო“.
2. მცირე საწარმოთა საკოორდინაციო საბჭოს შემადგენლობიდან გამოყვანილ იქნენ ოლეგ ნიკოლეიშვილი და ვაჟა კაპანაძე.
3. მცირე და საშუალო საწარმოთა საკოორდინაციო საბჭოს შემადგენლობაში შეყვანილ იქნენ:
ზურაბ ანთელიძე – საქართველოს ფინანსთა სამინისტროს ფინანსური პოლიტიკის დეპარტამენტის უფროსი
პაატა ჭარაქაშვილი – საქართველოს ეკონომიკის, მრეწველობისა და ვაჭრობის მინისტრის მოადგილე.
4. დებულების II თავის მე-2 პუნქტის „ა” ქვეპუნქტი ჩამოყალიბდეს შემდეგი რედაქციით:
„ა) ექვსი საქართველოს ეკონომიკის, მრეწველობისა და ვაჭრობის სამინისტროს, ფინანსთა სამინისტროს, სოფლის მეურნეობისა და სურსათის სამინისტროს, შრომის, ჯანმრთელობისა და სოციალური დაცვის სამინისტროს წარმომადგენელია“.
5. დებულების III თავის პირველ პუნქტს დაემატოს „ე“ ქვეპუნქტი: „ე) საქართველოს პრეზიდენტს დასამტკიცებლად წარუდგენს მცირე და საშუალო საწარმოთა მხარდაჭერის სახელმწიფო პროგრამას“.
ე. შევარდნაძე