საქართველოს პრეზიდენტის
ბრძანებულება №408
2001 წლის 14 ოქტომბერი
ქ. თბილისი
საჯარო სამართლის იურიდიული პირის – ელექტროენერგიის ბაზრის მხარდამჭერი პროექტის მომსახურე ორგანიზაციის შექმნის შესახებ
საქართველოსა და განვითარების საერთაშორისო ასოციაციას შორის ელექტროენერგიის ბაზრის მხარდამჭერი პროექტის შესახებ წარმოებული მოლაპარაკების ოქმის შესაბამისად, ელექტროენერგიის ბაზრის ხელშემწყობი პროექტის განხორციელების მიზნით:
1. საქართველოს სათბობ-ენერგეტიკის სამინისტრომ (დ. მირცხულავა) და ფინანსთა სამინისტრომ (ზ. ნოღაიდელი) ერთობლივი ბრძანების ფორმით უზრუნველყონ საჯარო სამართლის იურიდიული პირის – ელექტროენერგიის ბაზრის მხარდამჭერი პროექტის მომსახურე ორგანიზაციის დაფუძნება და მისი დებულების დამტკიცება.
2. ელექტროენერგიის ბაზრის მხარდამჭერი პროექტის მომსახურე ორგანიზაციის სახელმწიფო კონტროლის ფორმა და ფარგლები განისაზღვროს მისი დებულებით. ელექტროენერგიის ბაზრის მხარდამჭერი პროექტის მომსახურე ორგანიზაციის სახელმწიფო კონტროლი განახორციელონ საქართველოს სათბობ-ენერგეტიკის სამინისტრომ და ფინანსთა სამინისტრომ.
3. ელექტროენერგიის ბაზრის მხარდამჭერი პროექტის მომსახურე ორგანიზაციის დებულებაში გათვალისწინებულ იქნეს სამეთვალყურეო საბჭოს შექმნა. საბჭოს პერსონალური შემადგენლობა განისაზღვროს მოქმედი კანონმდებლობისა და საქართველოსა და განვითარების საერთაშორისო ასოციაციას შორის ელექტროენერგიის ბაზრის მხარდამჭერი პროექტის შესახებ წარმოებული მოლაპარაკების ოქმისა და 2001 წლის 18 ივნისს ხელმოწერილი საკრედიტო ხელშეკრულების მიხედვით.
4. ელექტროენერგიის ბაზრის მხარდამჭერი პროექტის მომსახურე ორგანიზაციის დირექტორისა და სხვა მოსამსახურეთა შერჩევა განხორციელდეს საქართველოს მოქმედი კანონმდებლობის მოთხოვნათა დაცვით, იმ პროცედურებით, რომლებიც შეესაბამება მსოფლიო ბანკსა და საქართველოს მთავრობას შორის შეთანხმებულ სახელმძღვანელო პრინციპებს.
5. საქართვლოს სათბობ-ენერგეტიკის სამინისტრომ და ფინანსთა სამინისტრომ ამ ბრძანებულების მე-4 პუნქტით გათვალისწინებული შესარჩევი პროცედურების შედეგად თანამდებობაზე დასანიშნად წარმოადგინონ ელექტროენერგიის ბაზრის მხარდამჭერი პროექტის მომსახურე ორგანიზაციის დირექტორის კანდიდატურა.
ე. შევარდნაძე
შეტანილი ცვლილებები:
1. ძალადაკარგულია - საქართველოს პრეზიდენტის 2010 წლის 9 მარტის ბრძანებულება №155 - სსმ III, №25, 10.03.2010 წ., მუხ.370