საქართველოს პრეზიდენტის
ბრძანებულება №176
2000 წლის 5 მაისი
ქ. თბილისი
„ნავთობის მსუბუქი, საშუალო და მძიმე დისტილატების დაბეგვრისა და აღრიცხვის გაუმჯობესების ღონისძიებათა შესახებ“ საქართველოს პრეზიდენტის 1999 წლის 12 ივლისის №434 ბრძანებულებაში ცვლილების შეტანის თაობაზე
შეტანილ იქნეს ცვლილება „ნავთობის მსუბუქი, საშუალო და მძიმე დისტილატების დაბეგვრისა და აღრიცხვის გაუმჯობესების ღონისძიებათა შესახებ“ საქართველოს პრეზიდენტის 1999 წლის 12 ივლისის №434 ბრძანებულების მეხუთე პუნქტში და „ე“ ქვეპუნქტი ჩამოყალიბდეს შემდეგი რედაქციით:
„ე) საავტომობილო ტრანსპორტით 40 (ორმოცი) ლიტრის ზევით ნავთობის დისტილატების (ბენზინი, დიზელის საწვავი, ნავთი) გადაზიდვა ტექნიკური უსაფრთხოების პირობების სრული დაცვის და სპეციალიზებული სატრანსპორტო საშუალებების გარეშე, გარდა ავტომობილის ავზში არსებული საწვავისა“.
ე.შევარდნაძე