საქართველოს პრეზიდენტის
ბრძანებულება №458
1999 წლის 26 ივლისი
ქ. თბილისი
„საქართველოს დიპლომატიური და სამსახურებრივი პასპორტების დებულებათა შესახებ“ საქართველოს პრეზიდენტის 1997 წლის 9 აგვისტოს №409 ბრძანებულებით დამტკიცებულ საქართველოს სამსახურებრივი პასპორტების დებულებაში ცვლილებების შეტანის თაობაზე
„საქართველოს დიპლომატიური და სამსახურებრივი პასპორტების დებულებათა შესახებ“ საქართველოს პრეზიდენტის 1997 წლის 9 აგვისტოს №409 ბრძანებულებით დამტკიცებულ საქართველოს სამსახურებრივი პასპორტების დებულებაში შეტანილ იქნეს შემდეგი ცვლილებები:
ა) მე-2 მუხლის მე-7 პუნქტის „დ” ქვეპუნქტს დაემატოს შემდეგი სიტყვები: „საქართველოს უზენაესი სასამართლოს საერთო სასამართლოების მატერიალურ-ტექნიკური უზრუნველყოფის დეპარტამენტის თავმჯდომარეს.”;
ბ) მე-2 მუხლის მე-7 პუნქტის „ლ” ქვეპუნქტს დაემატოს შემდეგი სიტყვები: „საქართველოს ეროვნული ოლიმპიური კომიტეტის მდივანს, საქართველოს ეროვნული ოლიმპიური კომიტეტის საპატიო პრეზიდენტს.”.
ე. შევარდნაძე