საქართველოს პრეზიდენტის
ბრძანებულება №449
2002 წლის 29 ოქტომბერი
ქ. თბილისი
„საქართველოს ფინანსთა სამინისტროსთან არსებული ვადაგადაცილებულ საგადასახადო დავალიანებათა რესტრუქტურიზაციის მიზანშეწონილობის საკითხის შემსწავლელი კომისიის შესახებ“ საქართველოს პრეზიდენტის 1998 წლის 3 ივნისის №359 ბრძანებულებაში ცვლილებების შეტანის თაობაზე
„საქართველოს ფინანსთა სამინისტროსთან არსებული ვადაგადაცილებულ საგადასახადო დავალიანებათა რესტრუქტურიზაციის მიზანშეწონილობის საკითხის შემსწავლელი კომისიის შესახებ“ საქართველოს პრეზიდენტის 1998 წლის 3 ივნისის №359 ბრძანებულების პირველი პუნქტით შექმნილი კომისიის შემადგენლობაში შეტანილ იქნეს შემდეგი ცვლილებები:
1. კომისიის შემადგენლობიდან გამოყვანილ იქნეს ოლეგ ნიკოლეიშვილი.
2. კომისიის შემადგენლობაში შეყვანილ იქნეს იასე ზაუტაშვილი – საქართველოს ფინანსთა სამინისტროს საგადასახადო დეპარტამენტის თავმჯდომარე.
3. კომისიის წევრს ლევან ჩრდილელს თანამდებობად მიენიშნოს საქართველოს ფინანსთა მინისტრის მოადგილე.
4. კომისიის მდივანს ილია კალანდაძეს თანამდებობად მიენიშნოს საქართველოს ფინანსთა სამინისტროს სახელმწიფო ქონების ფინანსური მართვისა და არასაგადასახადო შემოსავლების დეპარტამენტის უფროსი.
ე. შევარდნაძე