საქართველოს პრეზიდენტის
ბრძანებულება №351
1998 წლის 25 მაისი
ქ. თბილისი
"აფხაზეთის ავტონომიური რესპუბლიკის გალის რაიონის მოსახლეობის დახმარების სახელმწიფო კომისიის შესახებ" საქართველოს პრეზიდენტის 1998 წლის 23 მაისის №348 ბრძანებულებაში ცვლილებებისა და დამატებების თაობაზე
"აფხაზეთის ავტონომიური რესპუბლიკის გალის რაიონის მოსახლეობის დახმარების სახელმწიფო კომისიის შესახებ" საქართველოს პრეზიდენტის 1998 წლის 23 მაისის №348 ბრძანებულებაში შეტანილ იქნეს შემდეგი ცვლილებები და დამატებები:
1. სახელმწიფო კომისიის თავმჯდომარის მოადგილედ განისაზღვროს საქართველოს ფინანსთა მინისტრი მიხეილ ჭკუასელი.
2. სახელმწიფო კომისიის შემადგენლობაში შეყვანილ იქნენ:
მერაბ ადეიშვილი - საქართველოს ტრანსპორტის მინისტრი
ფრიდონ ინჯია - საქართველოს კავშირგაბმულობისა და ფოსტის მინისტრი
ირაკლი მანაგაძე - საქართველოს ეროვნული ბანკის პრეზიდენტი
არველოდი ჟვანია - საქართველოს სახელმწიფო უშიშროების მინისტრის მოადგილე
გია შერვაშიძე - საქართველოს შინაგანი ჯარების სარდალი.
3. გალის რაიონიდან ლტოლვილი მოსახლეობისათვის პირველი რიგის გადაუდებელი დახმარების გაწევის მიზნით საქართველოს პრეზიდენტის ფონდიდან გამოიყოს 1 (ერთი) მლნ ლარი.
სახელმწიფო კომისიამ ორ კვირაში განსაზღვროს მოსახლეობისათვის მიყენებული ზარალის რაოდენობა და წარმოადგინოს შესაბამისი წინადადებები.
4. სახელმწიფო კომისიის მუშაობის ადგილად განისაზღვროს ქ. ზუგდიდი.
ე. შევარდნაძე