საქართველოს მთავრობის
დადგენილება № 13 5
2011 წლის 21 მარტი
ქ. თბილისი
„ საშიში საწარმოო ობიექტების (სადაც სრულდება ღია სამთო სამუშაოები) უსაფრთხოების წესების დამტკიცების თაობაზე“ საქართველოს მთავრობის 2006 წლის 10 მარტის № 53 დადგენილებაში ცვლილებების შეტანის შესახებ
მუხლი 1. „ ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „ საშიში საწარმოო ობიექტების (სადაც სრულდება ღია სამთო სამუშაოები) უსაფრთხოების წესების დამტკიცების თაობაზე“ საქართველოს მთავრობის 2006 წლის 10 მარტის № 53 დადგენილებასა (სსმ III, 2006 წელი, № 32, მუხლი 370) და დადგენილებით დამტკიცებულ წესებში შეტანილ იქნეს შემდეგი ცვლილებები:
1. დადგენილების:
ა) სათაური ჩამოყალიბდეს შემდეგი რედაქციით:
„ კარიერების უსაფრთხოების წესების დამტკიცების თაობაზე“ ;
ბ) პირველი პუნქტი ჩამოყალიბდეს შემდეგი რედაქციით:
„ 1. „ ტექნიკური საფრთხის კონტროლის შესახებ“ საქართველოს კანონის 31-ე მუხლის მე-10 პუნქტისა და „ ნორმატიული აქტების შესახებ“ საქართველოს კანონის მე-12 მუხლის შესაბამისად დამტკიცდეს კარიერების უსაფრთხოების წესები და № 1, № 2 დანართები.“ .
2. წესების:
ა) სათაური ჩამოყალიბდეს შემდეგი რედაქციით:
„ კარიერების უსაფრთხოების წესები“ ;
ბ) პირველი მუხლის პირველი პუნქტი ამოღებულ იქნეს;
გ) პირველი მუხლის მე-2 პუნქტი ჩამოყალიბდეს შემდეგი რედაქციით:
„ 2. კარიერების უსაფრთხოების წესები (შემდგომში – წესები) ადგენს მოთხოვნებს უსაფრთხოების უზრუნველსაყოფად და სავალდებულოა ყველა საწარმოსათვის, რომლებიც საქართველოს ტერიტორიაზე აპროექტებენ, აშენებენ და ექსპლუატაციას უწევენ კარიერებს.“ ;
დ) მე-4 მუხლის მე-3 პუნქტი ამოღებულ იქნეს;
ე) მე-6 მუხლის მე-3 პუნქტი ამოღებულ იქნეს;
ვ) მე-10 მუხლის მე-3 პუნქტი ჩამოყალიბდეს შემდეგი რედაქციით:
„ 3. მექანიკური ნიჩბით ქვანახშირის ფენის დამუშავება დასაშვებია ერთი საფეხურით, რომლის სიმაღლე შეიძლება აღწევდეს 30 მ-ს, ხოლო ცალკეულ შემთხვევებში – 40 მ-ს, თუ საფეხურის აფეთქება წარმოებს 650° კუთხით გაბურღული ჭაბურღილებით და საფეხური რეგულარულად იწმინდება გადმონაშვერებისაგან და გამორიცხულია სხვა ავარიული შემთხვევების გამოწვევა.“ ;
ზ) მე-10 მუხლის მე-7 პუნქტი ჩამოყალიბდეს შემდეგი რედაქციით:
„ 7. მსხვილი მონოლითების დამუშავებისას დასაშვებია საფეხურის სიმაღლე აღემატებოდეს 20 მ-ს, თუ უზრუნველყოფილია უსაფრთხოების დამატებითი ზომები.“ ;
თ) 25-ე მუხლის მე-3 პუნქტი ჩამოყალიბდეს შემდეგი რედაქციით:
„ 3. ცალკეულ შემთხვევებში დასაშვებია დატვირთული მატარებლის მიწოდება ლოკომოტივით წინ იმ პირობით, რომ დამუშავებულია უსაფრთხოების დამატებითი ღონისძიებები, რომლებიც დამტკიცებულია საწარმოს ხელმძღვანელის მიერ.“ ;
ი) 54-ე მუხლის მე-7 პუნქტი ჩამოყალიბდეს შემდეგი რედაქციით:
„ 7. სატვირთო მატარებლის შემადგენლობაში ადამიანების გადასაყვანი ვაგონების ჩართვა აკრძალულია. კარიერზე ადამიანების გადაყვანის ორგანიზაცია ხორციელდება საწარმოს ხელმძღვანელობის მიერ დამუშავებული ინსტრუქციით.“ ;
კ) 56-ე მუხლის მე-6 პუნქტი ჩამოყალიბდეს შემდეგი რედაქციით:
„ 6. კარიერის საავტომობილო გზებზე ავტომანქანების მოძრაობა უნდა განხორციელდეს გასწრების გარეშე. ცალკეულ შემთხვევებში, კარიერზე სხვადასხვა ტექნიკური სიჩქარის ავტომობილების გამოყენებისას, დასაშვებია ავტომობილების გასწრება, თუ უზრუნველყოფილია მოძრაობის უსაფრთხო პირობები.“ ;
ლ) 82-ე მუხლის მე-8 პუნქტი ჩამოყალიბდეს შემდეგი რედაქციით:
„ 8. მოქმედი საბურღი დაზგების მტვერსაჭერი და მტვერჩამხშობი ეფექტიანი საშუალებებით აღჭურვის ვადებს ადგენს საწარმოს ხელმძღვანელობა.“ .
მუხლი 2. დადგენილება ამოქმედდეს გამოქვეყნებისთანავე.
პრემიერ-მინისტრი ნ. გილაური