,,საქართველოს სახელმწიფო დაცვის სპეციალურ სამსახურში საკონტრაქტო სამსახურის გავლის წესის შესახებ დებულების დამტკიცების თაობაზე“ საქართველოს პრეზიდენტის 2003 წლის 25 აპრილის №159 ბრძანებულებაში ცვლილებებისა და დამატების შეტანის შესახებ

,,საქართველოს სახელმწიფო დაცვის სპეციალურ სამსახურში საკონტრაქტო სამსახურის გავლის წესის შესახებ დებულების დამტკიცების თაობაზე“ საქართველოს პრეზიდენტის 2003 წლის 25 აპრილის №159 ბრძანებულებაში ცვლილებებისა და დამატების შეტანის შესახებ

საქართველოს პრეზიდენტის

ბრძანებულება №127

2011 წლის 2 მარტი

ქ. თბილისი

,,საქართველოს სახელმწიფო დაცვის სპეციალურ სამსახურში საკონტრაქტო სამსახურის გავლის წესის შესახებ დებულების დამტკიცების თაობაზე“ საქართველოს პრეზიდენტის 2003 წლის 25 აპრილის №159 ბრძანებულებაში ცვლილებებისა და დამატების შეტანის შესახებ

1. ,,ნორმატიული აქტების შესახებ“ საქართველოს კანონის მე-20 მუხლის შესაბამისად, ,,საქართველოს სახელმწიფო დაცვის სპეციალურ სამსახურში საკონტრაქტო სამსახურის გავლის წესის შესახებ დებულების დამტკიცების თაობაზე“ საქართველოს პრეზიდენტის 2003 წლის 25 აპრილის №159 ბრძანებულებით (სსმ III, 2003 წ., №39, მუხ. 332) დამტკიცებულ დებულებაში შეტანილ იქნეს შემდეგი ცვლილებები და დამატება:

ა) მე-12 პუნქტში სიტყვები: ,,დიპლომის ან ატესტატის“ შეიცვალოს სიტყვებით: ,,დიპლომის, საბაზო ან საშუალო განათლების დამადასტურებელი დოკუმენტების“;

ბ) დებულების 23-ე პუნქტი ჩამოყალიბდეს შემდეგი რედაქციით:

,,23. საკონტრაქტო მოსამსახურე, კონტრაქტის თავისი ინიციატივით (თვითნებურად) ან ბრალეულობით შეწყვეტის შემთხვევაში:

ა) ჩვეულებრივი წესით ექვემდებარება საქართველოს შეიარაღებულ ძალებში სამხედრო ვალდებულების მოხდას, კონტრაქტით ნამსახურები ვადის ჩაუთვლელად;

ბ) ექვემდებარება ფინანსურ პასუხისმგებლობას, რომელიც მოიცავს კონტრაქტით განსაზღვრული ოდენობის თანხას (პირგასამტეხლოს), აგრეთვე სპეციალური ფორმის ტანსაცმლით უზრუნველყოფაზე, თეორიულ-პრაქტიკული სწავლების პერიოდში სპეციალურ მომზადებაზე და კვებით უზრუნველყოფაზე გაწეულ ხარჯებს.“;

გ) დებულებას დაემატოს შემდეგი შინაარსის 23¹ პუნქტი:

,,23¹. ამ დებულების 23-ე პუნქტის შესაბამისად ფინანსური პასუხისმგებლობის დაკისრების შემთხვევაში:

ა) სამსახურის უფროსის ბრძანების საფუძველზე შესაძლებელია გადახდის ვალდებულების გადავადება ან განაწილვადება 2 წლამდე ვადით იმ შემთხვევაში, თუ პირი სადავოდ არ ხდის ფინანსური პასუხისმგებლობის დაკისრების საკითხს, თანხმობას აცხადებს თანხის ნებაყოფლობით გადახდაზე და წარმოადგენს სათანადო უზრუნველყოფას;

ბ) პირს გადაუვადდება გადახდის ვალდებულება 2 წლის ვადით, თუ იგი არის ,,სოციალური დახმარების შესახებ“ საქართველოს კანონის მე-6 მუხლის ,,ა“ ქვეპუნქტით განსაზღვრული საარსებო შემწეობის მიმღები. აღნიშნული საფუძვლით გადახდის გადავადება შესაძლებელია მხოლოდ ორჯერ და არა უმეტეს საარსებო შემწეობის მიმღები პირის სტატუსით ყოფნის ვადისა. ამასთან, ზედიზედ 4 წლის განმავლობაში მითითებული სტატუსის შენარჩუნების შემთხვევაში, პირი თავისუფლდება ფინანსური პასუხისმგებლობისაგან;

გ) პირადი პატაკის საფუძველზე პირი თავისუფლდება გადახდის ვალდებულებისაგან შესაბამისი დოკუმენტებით დადასტურებული საპატიო მიზეზის გამო (მძიმე ოჯახური მდგომარეობა, სხვა სახელმწიფოში მუდმივსაცხოვრებლად გადასვლა).“.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი