საქართველოს პრეზიდენტის
ბრძანებულება №106
2011 წლის 24 თებერვალი
ქ. თბილისი
,,საქართველოს შეიარაღებული ძალების გაერთიანებული შტაბის დებულების დამტკიცების შესახებ“ საქართველოს პრეზიდენტის 2007 წლის 8 აგვისტოს №462 ბრძანებულებაში ცვლილების შეტანის თაობაზე
1. ,,ნორმატიული აქტების შესახებ“ საქართველოს კანონის მე-20 მუხლის შესაბამისად, ,,საქართველოს შეიარაღებული ძალების გაერთიანებული შტაბის დებულების დამტკიცების შესახებ“ საქართველოს პრეზიდენტის 2007 წლის 8 აგვისტოს №462 ბრძანებულების (სსმ III, 2007 წ., №113, მუხ.1251) პირველი პუნქტით დამტკიცებულ დებულებაში შეტანილ იქნეს ცვლილება და მე-5 მუხლის მე-2 პუნქტის ,,პ“ ქვეპუნქტი ჩამოყალიბდეს შემდეგი რედაქციით:
,,პ) ჯარების ლოგისტიკური უზრუნველყოფის სარდლობა ახორციელებს:
პ.ა) შეიარაღებული ძალების მატერიალურ-ტექნიკური საშუალებებით უზრუნველყოფას;
პ.ბ) საქართველოს თავდაცვის სამინისტროს სამოქალაქო ოფისისა და გაერთიანებული შტაბის თანამშრომელთათვის სპორტულ-გამაჯანსაღებელი ღონისძიებების ორგანიზებას;
პ.გ) სხვადასხვა პროფესიულ/სამოყვარულო სპორტულ შეჯიბრებებში საქართველოს თავდაცვის სამინისტროს მონაწილეობის მიზნით გუნდების შექმნასა და დაკომპლექტებას, აგრეთვე ამ შეჯიბრებებში სამინისტროს წარმომადგენელთა მონაწილეობის ორგანიზებას.“.
2. ეს ბრძანებულება ამოქმედდეს გამოქვეყნებისთანავე.
მ. სააკაშვილი