საქართველოს მთავრობის
დადგენილება №52
2011 წლის 31 იანვარი
ქ. თბილისი
დუშეთის მუნიციპალურ საკუთრებაში გადაცემის მიზნით, ,,სოფლის პროგრამის ფარგლებში“, სოფელ საშაბუროს საავტომობილო გზის რეაბილიტაციისა და მშენებლობისათვის სახელმწიფო ტყის ფონდიდან 1800 მ2 მიწის ფართობის ამორიცხვის შესახებ
მუხლი 1. საქართველოს ტყის კოდექსის მე-18 მუხლის პირველი და მე-2 ნაწილებისა და ,,სახელმწიფო ტყის ფონდის საზღვრის დადგენის წესის შესახებ“ საქართველოს მთავრობის 2010 წლის 13 აგვისტოს №240 დადგენილებით დამტკიცებული წესის მე-4 მუხლის შესაბამისად, მოწონებულ იქნეს დუშეთის, თიანეთის, მცხეთისა და ყაზბეგის მუნიციპალიტეტებში სახელმწიფო რწმუნებულის – გუბერნატორის წინადადება და სსიპ – სატყეო სააგენტოს მართვას დაქვემდებარებული ფასანაურის სატყეო უბნის დუშეთის სატყეოს №26 კვარტალის №8ა და №11ა ლიტერებიდან 1800 მ2 მიწის ფართობი ამოირიცხოს სახელმწიფო ტყის ფონდიდან, ,,სოფლის პროგრამის ფარგლებში“ სოფელ საშაბუროს საავტომობილო გზის რეაბილიტაციისა და მშენებლობის მიზნით, საქართველოს კანონმდებლობის შესაბამისად დუშეთის მუნიციპალურ საკუთრებაში გადაცემისათვის.
მუხლი 2. საქართველოს ეკონომიკისა და მდგრადი განვითარების სამინისტრომ ამ დადგენილების პირველი მუხლის შესრულების მიზნით უზრუნველყოს მის კომპეტენციაში შემავალი საკითხების კანონმდებლობით დადგენილი წესით განხორციელება.
მუხლი 3. სახელმწიფო ტყის ფონდიდან ამორიცხულ ტერიტორიაზე ხე-ტყის ჭრა განხორციელდეს აუცილებლობიდან გამომდინარე და მოპოვებული მერქნული რესურსი დასაწყობდეს საქართველოს გარემოს დაცვისა და ბუნებრივი რესურსების სამინისტროს სისტემაში შემავალი სსიპ – სატყეო სააგენტოს მიერ მითითებულ ტერიტორიაზე, ,,სახელმწიფო ქონების შესახებ“ საქართველოს კანონის 291 მუხლის შესაბამისად.
პრემიერ-მინისტრი ნ. გილაური