სახელმწიფო სარეგისტრაციო კოდი 210.020.010.35.160.000.593
თვითმმართველი ქალაქი რუსთავის საკრებულოს
დადგენილება №17
2010 წლის 30 აგვისტო
ქ. რუსთავი
თვითმმართველი ქალაქი რუსთავის საკრებულოს 2007 წლის 5 თებერვლის №65 დადგენილებაში ცვლილების შეტანის შესახებ
„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის „ბ“ ქვეპუნქტის, 22-ე მუხლის პირველი პუნქტის „მ“ ქვეპუნქტის, „ადგილობრივი მოსაკრებლების შესახებ“ საქართველოს კანონის მე-13 მუხლის მე-3 პუნქტის და „ნორმატიული აქტების შესახებ“ საქართველოს კანონის მე-20 მუხლის შესაბამისად, თვითმმართველი ქალაქი რუსთავის საკრებულო ადგენს:
მუხლი 1
შევიდეს ცვლილება თვითმმართველი ქალაქი რუსთავის საკრებულოს 2007 წლის 5 თებერვლის №65 დადგენილების პირველ პუნქტში და ჩამოყალიბდეს შემდეგი რედაქციით:
„1. თვითმმართველ ქალაქ რუსთავში 2010 წლის 1 დეკემბრამდე დადგინდეს სატენდერო მოსაკრებლის განაკვეთი და მისი ოდენობა განისაზღვროს 150 ლარით“.
მუხლი 2
დადგენილება ძალაშია გამოქვეყნებისთანავე
საკრებულოს თავმჯდომარის მოვალეობის შემსრულებელი კ. ბარათაშვილი