თვითმმართველი ქალაქის – ქუთაისის საკრებულოს
დადგენილება №42
2010 წლის 3 სექტემბერი
ქ. ქუთაისი
„თვითმმართველი ქალაქის – ქუთაისის მერიის სტრუქტურული ერთეულის – დასუფთავების საქალაქო სამსახურის დებულებისა და ბეჭდის ნიმუშის დამტკიცების შესახებ“ ქალაქ ქუთაისის საკრებულოს 2009 წლის 30 სექტემბრის №233 დადგენილებაში ცვლილებების შეტანის თაობაზე
სახელმწიფო რწმუნებული-გუბერნატორის 2010 წლის 29.07 №01–10/636 წერილში მითითებული სამართლებრივი შენიშვნების გათვალისწინებით, „ადგილობრივი თვითმმართველობის შესახებ“ საქართველოს ორგანული კანონის 44-ე მუხლის პირველი პუნქტისა და „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ქალაქ ქუთაისის საკრებულო ადგენს:
მუხლი 1
„თვითმმართველი ქალაქის – ქუთაისის მერიის სტრუქტურული ერთეულის – დასუფთავების საქალაქო სამსახურის დებულებისა და ბეჭდის ნიმუშის დამტკიცების შესახებ“ ქალაქ ქუთაისის საკრებულოს 2009 წლის 30 სექტემბრის №233 დადგენილების №1 დანართში /თვითმმართველი ქალაქის – ქუთაისის მერიის სტრუქტურული ერთეულის – დასუფთავების საქალაქო სამსახურის დებულება/ შეტანილ იქნეს შემდეგი ცვლილებები:
1. პირველი მუხლის ნუმერაციის აღმნიშვნელი რომაული ციფრი – „I“ შეიცვალოს არაბული ციფრით – „1“.
2. მე-3 მუხლში /სამსახურის ძირითადი ფუნქციები/:
ა/ მე-2 პუნქტი შეიცვალოს და ჩამოყალიბდეს შემდეგი რედაქციით: „2. თვითმმართველი ქალაქის – ქუთაისის დასახლებული ტერიტორიის დაგვა–დასუფთავების ორგანიზების ხელშეწყობა და კოორდინირება“.
ბ/ მე-5 პუნქტი შეიცვალოს და ჩამოყალიბდეს შემდეგი რედაქციით: „5. ქალაქ ქუთაისის დაგვა–დასუფთავებისა და ნარჩენების მართვის რეგულირების მიზნით წინადადებებისა და შესაბამისი დოკუმენტების პროექტების მომზადება“.
გ/ მე-6 პუნქტი შეიცვალოს და ჩამოყალიბდეს შემდეგი რედაქციით: „6. ქალაქის ტერიტორიის დასუფთავების მიზნით ჩასატარებელი ღონისძიებების ორგანიზება“.
3. მე-5 მუხლის მე-4 პუნქტი შეიცვალოს და ჩამოყალიბდეს შემდეგი რედაქციით: „4. სამსახურის უფროსის არყოფნის შემთხვევაში, მის მოვალეობას ასრულებს სამსახურის უფროსის მოადგილე“.
მუხლი 2
დადგენილება ძალაში შევიდეს, კანონით დადგენილი წესით, გამოქვეყნებისთანავე.
საკრებულოს თავმჯდომარე ა.ხვადაგიანი