საქართველოს ფასიანი ქაღალდების ეროვნული კომისიის ფუნქციონირების ხელშემწყობი ღონისძიების შესახებ

საქართველოს პრეზიდენტის

ბრძანებულება №536

2000 წლის 25 დეკემბერი

ქ. თბილისი

საქართველოს ფასიანი ქაღალდების ეროვნული კომისიისათვის, როგორც ფასიანი ქაღალდების ბაზრის მარეგულირებელი ორგანოსათვის, „ფასიანი ქაღალდების ბაზრის შესახებ“ საქართველოს კანონით განსაზღვრული ფუნქციებისა და უფლებამოსილების განხორციელების მიზნით:

1. გადაეცეს საქართველოს ფასიანი ქაღალდების ეროვნულ კომისიას უსასყიდლო უვადო უზუფრუქტის ფორმით თბილისში, რუსთაველის პროსპ. №12-ში მდებარე ადმინისტრაციული შენობის მე-6 სართულის ნაწილი და მე-7 სართული მთლიანად (სულ 1103 კვ.მ).

2. საქართველოს სახელმწიფო ქონების მართვის სამინისტრომ (მ.უკლება) საქართველოს ტრანსპორტისა და კომუნიკაციების სამინისტროსთან (მ.ადეიშვილი) ერთად ერთ თვეში უზრუნველყოს შესაბამისი დოკუმენტაციის გაფორმება.

ე. შევარდნაძე