ყაზბეგის მუნიციპალიტეტის საკრებულოს
დადგენილება №40
2010 წლის 20 დეკემბერი
დ. სტეფანწმინდა
„ყაზბეგის მუნიციპალიტეტის გამგეობის საჯარო მოსამსახურეთა თანამდებობრივი სარგოს განაკვეთების განსაზღვრის შესახებ“ ყაზბეგის მუნიციპალიტეტის საკრებულოს 2010 წლის 31 აგვისტოს №25 დადგენილებაში ცვლილებებისა და დამატებების შეტანის თაობაზე
„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „ი“ ქვეპუნქტის, „ავტონომიური რესპუბლიკების ხელისუფლებისა და ადგილობრივი თვითმმართველობის ორგანოების საჯარო მოსამსახურეთა შრომის ანაზღაურების მოწესრიგების თაობაზე“ საქართველოს პრეზიდენტის 2005 წლის 29 აგვისტოს № 726 ბრძანებულების დანართი №4 (7.07.2010, №476) და „ნორმატიული აქტების შესახებ“ საქართველოს კანონის მე-20 მუხლის შესაბამისად,
ყაზბეგის მუნიციპალიტეტის საკრებულო ადგენს:
მუხლი 1
„ყაზბეგის მუნიციპალიტეტის გამგეობის საჯარო მოსამსახურეთა თანამდებობრივი სარგოს განაკვეთების განსაზღვრის შესახებ“ ყაზბეგის მუნიციპალიტეტის საკრებულოს 2010 წლის 31 აგვისტოს №25 დადგენილებით დამტკიცებულ №1 დანართში შეტანილ იქნას შემდეგი სახის ცვლილება:
1. დადგენილებით დამტკიცებულ დანართ №1 დაემატოს შემდეგი სახის მე-9 და მე-10 პუნქტები (გრაფა):
9. გამგეობის ტერიტორიული ორგანოს ხელმძღვანელი – ტერიტორიული ორგანოს რწმუნებული (უმცროსი საჯარო თანამდებობა) –400 ლარი;
10. გამგებლის თანაშემწე (უფროსი საჯარო თანამდებობა) – 450 ლარი.
მუხლი 2
დადგენილება ძალაშია გამოქვეყნებისთანავე.
საკრებულოს თავმჯდომარე გ.მალანია
დანართი № 1
ყაზბეგის მუნიციპალიტეტის გამგეობის საჯარო მოსამსახურეთა თანამდებობრივი სარგოების განაკვეთები
| № | სტრუქტურული ქვედანაყოფის დასახელება | თანამდებობრივი სარგოს განაკვეთი (ლარი) |
| 1 | ყაზბეგის მუნიციპალიტეტის გამგებელი
| 2360 |
| 2 | გამგებლის მოადგილე
| 900 |
| 3 | წამყვანი საჯარო მოსამსახურე მუნიციპალიტეტის სამსახურის უფროსი |
700 |
| 4 | უფროსი საჯარო თანამდებობა მუნიციპალიტეტის სამსახურის განყოფილების უფროსი |
500 |
| 5 | უმცროსი საჯარო თანამდებობა მთავარი სპეციალისტი |
420 |
| 6 | უმცროსი საჯარო თანამდებობა წამყვანი სპეციალისტი |
380 |
| 7 | უმცროსი საჯარო თანამდებობა უფროსი სპეციალისტი |
350 |
| 8 | უმცროსი საჯარო თანამდებობა სპეციალისტი |
320 |
| 9 | უმცროსი საჯარო თანამდებობა გამგეობის ტერიტორიული ორგანოს ხელმძღვანელი – ტერიტორიული ორგანოს რწმუნებული |
400 |
| 10 | უფროსი საჯარო თანამდებობა გამგებლის თანაშემწე | 450
|