გორის მუნიციპალიტეტის საკრებულოს
დადგენილება №62
2010 წლის 10 დეკემბერი
ქ. გორი
„გორის მუნიციპალიტეტის ტერიტორიაზე ადგილობრივი მოსაკრებლების შემოღების შესახებ“ გორის მუნიციპალიტეტის საკრებულოს 2007 წლის 16 თებერვლის №24 დადგენილებაში ცვლილებების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის შესაბამისად,
1. „გორის მუნიციპალიტეტის ტერიტორიაზე ადგილობრივი მოსაკრებლების შემოღების შესახებ“ გორის მუნიციპალიტეტის საკრებულოს 2007 წლის 16 თებერვლის №24 დადგენილების მე-3 მუხლის მე-5 პუნქტი ჩამოყალიბდეს ახალი რედაქციით:
,,5. სათამაშო ბიზნესის მოსაკრებლების განაკვეთების დიფერენცირება ხდება სათამაშო ბიზნესის სახეობის მიხედვით და განისაზღვრება:
ა) კაზინოს (სამორინეს) თითოეულ სათამაშო მაგიდაზე კვარტალში 27 000 (ოცდაშვიდი ათასი) ლარის ოდენობით;
ბ) თითოეულ სათამაშო აპარატზე – კვარტალში 2250 ( ორი ათას ორას ორმოცდაათი) ლარის ოდენობით;
გ) ტოტალიზატორის, ბინგოს, ლოტოს თითოეულ სალაროზე – კვარტალში 5625 (ხუთი ათას ექვსას ოცდახუთი) ლარის ოდენობით;
დ) თითოეულ წამახალისებელ გათამაშებაზე – საპრიზო ფონდის 10%;
ე) სისტემურ-ელექტრონული ფორმის თამაშობაზე – კვარტალში 27 000 (ოცდაშვიდი ათასი) ლარის ოდენობით;
ვ) ლატარიების მოწყობაზე – ლატარიის ბილეთების რაელიზაციიდან მიღებული ამონაგების 20%.
2. ეს დადგენილება ამოქმედდეს გამოქვეყნებიდან მე-15 დღეს.
საკრებულოს თავმჯდომარე ზ. ხმალაძე