ლანჩხუთის მუნიციპალიტეტის საკრებულოს
დადგენილება №48
2010 წლის 10 დეკემბერი
ქ. ლანჩხუთი
„ლანჩხუთის მუნიციპალიტეტის საკუთრებაში არსებული ქონების საპრივატიზებო აუქციონში გამარჯვების დამადასტურებელი ოქმის ფორმების დამტკიცების შესახებ“ ლანჩხუთის მუნიციპალიტეტის საკრებულოს 2010 წლის 15 ოქტომბრის №38 დადგენილებაში ცვლილებების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის შესაბამისად,
1. „ლანჩხუთის მუნიციპალიტეტის საკუთრებაში არსებული ქონების საპრივატიზებო აუქციონში გამარჯვების დამადასტურებელი ოქმის ფორმების დამტკიცების შესახებ“ ლანჩხუთის მუნიციპალიტეტის საკრებულოს 2010 წლის 15 ოქტომბრის №38 დადგენილებაში (სსმ V, №46, 3.11. 2010წ.) შევიდეს შემდეგი ცვლილებები:
ა) დადგენილების პირველი პუნქტი ჩამოყალიბდეს შემდეგი რედაქციით:
„1. დამტკიცდეს ლანჩხუთის მუნიციპალიტეტის საკუთრებაში არსებული ქონების აუქციონში გამარჯვების დამადასტურებელი თანდართული ოქმის ფორმა (დანართი №1).“;
ბ) დადგენილების მეორე პუნქტი ჩამოყალიბდეს შემდეგი რედაქციით:
„2. დამტკიცდეს ლანჩხუთის მუნიციპალიტეტის საკუთრებაში არსებული ქონების პირობებით გამოცხადებულ აუქციონში გამარჯვების დამადასტურებელი თანდართული ოქმის ფორმა (დანართი №2).“;
გ) დადგენილების დანართი №1-ის სათაური ჩამოყალიბდეს შემდეგი რედაქციით:
„ლანჩხუთის მუნიციპალიტეტის საკუთრებაში არსებული ქონების პრივატიზებისას აუქციონში გამარჯვების დამადასტურებელი ოქმი N------- “;
დ) დადგენილების დანართი №2-ის სათაური ჩამოყალიბდეს შემდეგი რედაქციით:
„ლანჩხუთის მუნიციპალიტეტის საკუთრებაში არსებული ქონების პრივატიზებისას პირობებით გამოცხადებულ აუქციონში გამარჯვების დამადასტურებელი ოქმი N--“;
ე) დადგენილების დანართი №1-ისა და დანართი №2-ის მთელი ტექსტიდან ამოღებულ იქნეს სიტყვები „(ხელშეკრულება)“, „(ხელშეკრულებას)“, „(ხელშეკრულების)“, „(ხელშეკრულებით)“ „(ხელშეკრულებასთან)“ „(სახელშეკრულებო)“ .
2. ეს დადგენილება ამოქმედდეს გამოქვეყნებისთანავე.
საკრებულოს თავმჯდომარე რ. ჩიტიძე