ხობის მუნიციპალიტეტის საკრებულოს
დადგენილება №14
2010 წლის 22 ნოემბერი
ქ. ხობი
„ხობის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი ოდენობის განსაზღვრის შესახებ“ ხობის მუნიციპალიტეტის საკრებულოს 2009 წლის 30 მარტის №118 დადგენილებაში ცვლილებების შეტანის თაობაზე
„ადგილობრივი თვითმმართველობის შესახებ“ საქართველოს ორგანული კანონისა და „სათამაშო ბიზნესის მოსაკრებლის შესახებ“ და „ნორმატიული აქტების შესახებ“ საქართველოს კანონების შესაბამისად, ხობის მუნიციპალიტეტის საკრებულო ადგენს:
1. „ხობის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი ოდენობის განსაზღვრის შესახებ“ ხობის მუნიციპალიტეტის საკრებულოს 2009 წლის 30 მარტის №118 დადგენილებაში (გაზეთი „ახალი სამკუთხედი“ №11 (6987), 28.04.2009 წ.) შეტანილ იქნეს ცვლილებები და დადგენილების დანართის მე-9 მუხლის მე-3 პუნქტის „ბ“ და „გ“ ქვეპუნქტები ჩამოყალიბდეს შემდეგი რედაქციით:
„ბ) თითოეულ სათამაშო აპარატზე – კვარტალში 1500 (ათას ხუთასი) ლარი;
გ) ტოტალიზატორის, ბინგოს, ლოტოს თითოეულ სალაროზე – კვარტალში 3750 (სამი ათას შვიდას ორმოცდაათი) ლარი;“.
2. დადგენილება ძალაში შევიდეს გამოქვეყნებიდან მე-15 დღეს.
საკრებულოს თავმჯდომარე მ. ჭოხონელიძე