საქართველოს პრეზიდენტის
ბრძანებულება №743
1997 წლის 21 დეკემბერი
ქ. თბილისი
სრულიად საქართველოს კათოლიკოს-პატრიარქის, უწმიდესისა და უნეტარესის, ილია მეორის აღსაყდრების 20 წლისთავთან დაკავშირებით დავით აღმაშენებლის ორდენით დაჯილდოების შესახებ
საქართველოს მართლმადიდებელი ეკლესიის დამოუკიდებლობის აღდგენა-აღორძინების, ქართველი ერის სულიერ და ფიზიკურ გადარჩენაში, საქართველოს სახელმწიფოებრიობის მშენებლობაში შეტანილი დიდი წვლილისათვის, სხვა რელიგიური აღმსარებლობისა და რწმენისადმი შემწყნარებლობის დამკვიდრების, საზოგადოების ერთიანობისა და ქვეყნის გამთლიანებისათვის ბრძოლაში განსაკუთრებული ღვაწლისათვის სრულიად საქართველოს კათოლიკოს-პატრიარქი, უწმიდესი და უნეტარესი ილია მეორე დაჯილდოვდეს დავით აღმაშენებლის ორდენით.
ე. შევარდნაძე