საქართველოს პრეზიდენტის
ბრძანებულება №704
1997 წლის 1 დეკემბერი
ქ. თბილისი
თბილისში 1991-1992 წლების დეკემბერ-იანვრის მოვლენების შედეგად დაზარალებული მოსახლეობისათვის მატერიალური ზარალის ნაწილობრივი კომპენსაციის შესახებ
თბილისში 1991-1992 წლების დეკემბერ-იანვრის მოვლენების შედეგად დაზარალებული მოსახლეობისათვის მატერიალური ზარალის ნაწილობრივი კომპენსაციის მიზნით:
1. მიღებულ იქნეს ცნობად საქართველოს სახელმწიფო ქონების მართვის სამინისტროს და თბილისის მერიის გადაწყვეტილება 1991-1992 წლების მოვლენების შედეგად დაზარალებული მოსახლეობისათვის მატერიალური ზარალის ნაწილობრივი კომპენსაციის მიზნით მათთვის აშენებულ და მშენებარე საცხოვრებელ სახლებში განთავსებული არასაცხოვრებელი ფართის აუქციონის წესით პრივატიზების შესახებ.
2. აღნიშნული არასაცხოვრებელი ფართობის პრივატიზებიდან შემოსული თანხები გამოყენებულ იქნეს 1991-1992 წლების მოვლენების შედეგად დაზარალებული მოსახლეობისათვის მიყენებული მატერიალური ზარალის ნაწილობრივი კომპენსაციისათვის, რისთვისაც თბილისის ბიუჯეტში შეიქმნას მიზნობრივი ფონდი.
3. ნება დაერთოს 1991-1992 წლების დეკემბერ-იანვრის მოვლენების შედეგად დაზარალებულ თბილისელთა რეაბილიტაციის სახელმწიფო პროგრამის შესრულების საზოგადოებრივი კონტროლის კომისიას რეგულარულად გაეცნოს არსებულ ვითარებას და მონაწილეობა მიიღოს აღნიშნულ ღონისძიებათა მიმდინარეობაში.
ე. შევარდნაძე