რუსთავის საკრებულოს
დადგენილება №36
2010 წლის 22 ნოემბერი
ქ. რუსთავი
„თვითმმართველ ქალაქ რუსთავში სათამაშო ბიზნესის მოსაკრებლის განაკვეთების დამტკიცების შესახებ“ თვითმმართველი ქალაქი რუსთავის საკრებულოს 2009 წლის 31 მარტის №229 დადგენილებაში ცვლილებების შეტანის თაობაზე
„ადგილობრივი თვითმმართველობის შესახებ“ საქართველოს ორგანული კანონის 44-ე მუხლის, „სათამაშო ბიზნესის მოსაკრებლის შესახებ“ საქართველოს კანონის მე-5 მუხლის და „ნორმატიული აქტების შესახებ“ საქართველოს კანონის მე-20 მუხლის შესაბამისად, თვითმმართველი ქალაქი რუსთავის საკრებულო, ადგენს:
მუხლი 1
შევიდეს ცვლილება თვითმმართველი ქალაქი რუსთავის საკრებულოს 2009 წლის 31 მარტის №229 დადგენილების მე-2 მუხლის „ბ“ და „გ“ ქვეპუნქტებში და ჩამოყალიბდეს შემდეგი რედაქციით:
„ბ. თითოეულ სათამაშო აპარატზე – კვარტალში 2 000 ლარის ოდენობით“;
„გ. ტოტალიზატორის, ბინგოს, ლოტოს თითოეულ სალაროზე – კვარტალში 4 500 ლარის ოდენობით.“.
მუხლი 2
დადგენილება ძალაშია გამოქვეყნებისთანავე.
საკრებულოს თავმჯდომარე კ. გურგენიძე