საქართველოს მთავრობის
დადგენილება №220
2005 წლის 8 დეკემბერი
ქ. თბილისი
„რეფორმების კოორდინაციის საკითხებში საქართველოს სახელმწიფო მინისტრის აპარატის შექმნისა და დებულების დამტკიცების შესახებ“ საქართველოს მთავრობის 2004 წლის 31 დეკემბრის №134 დადგენილებაში ცვლილებების შეტანის თაობაზე
მუხლი 1
„ნორმატიული აქტების შესახებ“ საქართველოს კანონის 36-ე მუხლის შესაბამისად, „რეფორმების კოორდინაციის საკითხებში საქართველოს სახელმწიფო მინისტრის აპარატის შექმნისა და დებულების დამტკიცების შესახებ“ საქართველოს მთავრობის 2004 წლის 31 დეკემბრის №134 დადგენილებაში (სსმ III, 2005 წ., №1, მუხლი 13), ამ დადგენილებით დამტკიცებულ „რეფორმების კოორდინაციის საკითხებში საქართველოს სახელმწიფო მინისტრის აპარატის დებულებასა“ და „რეფორმების კოორდინაციის საკითხებში საქართველოს სახელმწიფო მინისტრისა და სახელმწიფო მინისტრის აპარატის საშტატო ნუსხაში“ შეტანილ იქნეს შემდეგი ცვლილებები:
1. დადგენილების მე-2 პუნქტი ჩამოყალიბდეს შემდეგი რედაქციით:
„2. აპარატის რიცხოვნობა განისაზღვროს 29 ერთეულით.“.
2. დებულების მე-3 მუხლი ჩამოყალიბდეს ახალი რედაქციით:
„მუხლი 3. აპარატის შემადგენლობა
ამ დებულებისა და საშტატი ნუსხის შესაბამისად აპარატში დგინდება შემდეგი თანამდებობები:
ა) საქართველოს სახელმწიფო მინისტრის მოადგილე;
ბ) საქართველოს სახელმწიფო მინისტრის მთავარი მრჩეველი;
გ) საქართველოს სახელმწიფო მინისტრის უფროსი მრჩეველი;
დ) საქართველოს სახელმწიფო მინისტრის მრჩეველი;
ე) მთავარი სპეციალისტი;
ვ) უფროსი სპეციალისტი.“.
3. საშტატო ნუსხა ჩამოყალიბდეს შემდეგი რედაქციით:
| თანამდებობა | რაოდენობა |
| საქართველოს სახელმწიფო მინისტრი | 1 |
| სახელმწიფო მინისტრის მოადგილე | 1 |
| სახელმწიფო მინისტრის მთავარი მრჩეველი | 2 |
| სახელმწიფო მინისტრის უფროსი მრჩეველი | 4 |
| სახელმწიფო მინისტრის მრჩეველი | 6 |
| მთავარი სპეციალისტი | 4 |
| უფროსი სპეციალისტი | 11 |
| სულ | 29 |
მუხლი 2
დადგენილება ამოქმედდეს გამოქვეყნებისთანავე.
პრემიერ-მინისტრი ზ. ნოღაიდელი