საქართველოს პრეზიდენტის
ბრძანებულება №221
2000 წლის 31 მაისი
ქ. თბილისი
„კონტრაბანდის წინააღმდეგ ბრძოლის გაძლიერებისა და ბიუჯეტში დამატებითი შემოსავლების მოზიდვის შესახებ“ საქართველოს პრეზიდენტის 1999 წლის 5 მაისის №234 ბრძანებულებაში ცვლილებების შეტანის თაობაზე
„კონტრაბანდის წინააღმდეგ ბრძოლის გაძლიერებისა და ბიუჯეტში დამატებითი შემოსავლების მოზიდვის შესახებ“ საქართველოს პრეზიდენტის 1999 წლის 5 მაისის №234 ბრძანებულებაში შეტანილ იქნეს შემდეგი ცვლილებები:
1. პირველი პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:
„ა) ცხინვალის რეგიონის გავლით რუსეთის ფედერაციიდან შემოსული საქონლისა და სატრანსპორტო საშუალებებისათვის საბაჟო გაფორმების ადგილად, როგორც დროებითი ღონისძიება, განისაზღვროს ქ. გორი და საბაჟო გაფორმება განხორციელდეს საბაჟო გორის მიერ;
ბ) ცხინვალის რეგიონის გავლით რუსეთის ფედერაციიდან შემოსული საქონლისა და სატრანსპორტო საშუალებების გადაადგილება საბაჟო გაფორმების მიზნით განხორციელდეს მარშრუტით: ქალაქი ცხინვალი – სოფელი ერგნეთი – სოფელი ტყვიავი – ქალაქი გორი.“.
2. მეორე პუნქტში სიტყვა „ტვირთების“ შეიცვალოს სიტყვებით „საქონლისა და სატრანსპორტო საშუალებების“.
3. მესამე პუნქტში სიტყვა „ტვირთების“ შეიცვალოს სიტყვებით „საქონლისა და სატრანსპორტო საშუალებების“.
ე. შევარდნაძე