საქართველოს პრეზიდენტის
ბრძანებულება №160
2010 წლის 11 მარტი
ქ. თბილისი
საჯარო სამართლის იურიდიული პირის – საფინანსო-ანალიტიკური სამსახურის შექმნის შესახებ
1. „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, შეიქმნას საჯარო სამართლის იურიდიული პირი – საფინანსო-ანალიტიკური სამსახური (შემდეგში – სამსახური).
2. სამსახურის უფლებამოსილება განისაზღვრება სამსახურის დებულებით, რომელსაც ამტკიცებს საქართველოს ფინანსთა მინისტრი.
3. სამსახურის უფროსს თანამდებობაზე ნიშნავს და თანამდებობიდან ათავისუფლებს საქართველოს ფინანსთა მინისტრი.
4. საქართველოს ფინანსთა სამინისტრომ:
ა) განახორციელოს სამსახურის სახელმწიფო კონტროლი;
ბ) უზრუნველყოს სამსახურის შექმნასთან დაკავშირებული კანონმდებლობით გათვალისწინებული ღონისძიებების განხორციელება.
5. ეს ბრძანებულება, გარდა მე-3 პუნქტისა, ამოქმედდეს გამოქვეყნებისთანავე.
6. ამ ბრძანებულების მე-3 პუნქტი ამოქმედდეს 2010 წლის 1 აპრილიდან.
მ. სააკაშვილი
შეტანილი ცვლილებები:
1. ძალადაკარგულია – საქართველოს პრეზიდენტის 2014 წლის 20 ივნისის ბრძანებულება №25 4 - ვებგვერდი, 20.06.2014წ.