საქართველოს სოფლის მეურნეობის მინისტრის
ბრძანება №2-168
2010 წლის 1 ნოემბერი
ქ. თბილისი
„საქართველოში წარმოებული და იმპორტირებული ვეტერინარული დანიშნულების პრეპარატების (საშუალებების) სახელმწიფო რეგისტრაციის, ხელახალი რეგისტრაციის, ან რეგისტრაციის გაუქმებისა და ხარისხის/უსაფრთხოების კონტროლის წესის დამტკიცების შესახებ“ საქართველოს სოფლის მეურნეობის მინისტრის 2010 წლის 25 იანვარის №2-8 ბრძანებაში ცვლილების შეტანის შესახებ
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
1. „საქართველოში წარმოებული და იმპორტირებული ვეტერინარული დანიშნულების პრეპარატების (საშუალებების) სახელმწიფო რეგისტრაციის, ხელახალი რეგისტრაციის, ან რეგისტრაციის გაუქმებისა და ხარისხის/უსაფრთხოების კონტროლის წესის დამტკიცების შესახებ“ საქართველოს სოფლის მეურნეობის მინისტრის 2010 წლის 25 იანვრის №2-8 ბრძანებით (სსმ III, 01.02.2010, №12, მუხ.132) დამტკიცებული „საქართველოში წარმოებული და იმპორტირებული ვეტერინარული დანიშნულების პრეპარატების (საშუალებების) სახელმწიფო რეგისტრაციის, ხელახალი რეგისტრაციის, ან რეგისტრაციის გაუქმებისა და ხარისხის/უსაფრთხოების კონტროლის წესის“ მე-4 მუხლის მე-9 პუნქტი ჩამოყალიბდეს შემდეგი რედაქციით:
„9) სადიაგნოსტიკო საშუალებების: ალერგენების, რეაგენტების და შრატების რეგისტრაციისათვის:
ა) სადიაგნოსტიკო საშუალების დანიშნულებისა და გამოყენების მეთოდი (არსებობისას –ჩამონათვალი მწარმოებელი ფირმის კატალოგის ნომრის მითითებით ან/და კატალოგი);
ბ) მონაცემები სადიაგნოსტიკო საშუალებების უსაფრთხოებისა და ეფექტიანობის შესახებ – ინ ვივო გამოყენებისას;
გ) საჭიროებისას ხარისხის შეფასების კრიტერიუმები და მონაცემები სადიაგნოსტიკო საშუალებების სტაბილურობის შესახებ.“
2. ბრძანება ამოქმედდეს გამოქვეყნებისთანავე.
ბ. კვეზერელი