საქართველოს კანონი
საქართველოს ადმინისტრაციულ სამართალდარღვევათა კოდექსში დამატების შეტანის შესახებ
მუხლი 1
საქართველოს ადმინისტრაციულ სამართალდარღვევათა კოდექსს (საქართველოს სსრ უმაღლესი საბჭოს უწყებები, 1984 წელი, №12-ის დანართი, მუხ. 421) დაემატოს შემდეგი შინაარსის 901 მუხლი:
„მუხლი 901. სამრეწველო დანიშნულების ფეთქებადი მასალებისა და საამფეთქებლო საქმის ხელსაწყოების დამზადების, გამოცდის, შეძენისა და შენახვის პირობების დარღვევა
1. ფიზიკური ან/და იურიდიული პირის მიერ სამრეწველო დანიშნულების ფეთქებადი მასალებისა და საამფეთქებლო საქმის ხელსაწყოების დამზადება, გამოცდა, შეძენა და შენახვა „სამრეწველო დანიშნულების ფეთქებადი მასალების შესახებ“ საქართველოს კანონით დადგენილი პირობების დარღვევით, –
გამოიწვევს დაჯარიმებას ორმოცდაათიდან ას ლარამდე.
2. იგივე ქმედება, ჩადენილი განმეორებით, –
გამოიწვევს დაჯარიმებას ორასიდან ხუთას ლარამდე.“.
მუხლი 2
ეს კანონი ამოქმედდეს გამოქვეყნებიდან მე-15 დღეს.
საქართველოს პრეზიდენტი მ. სააკაშვილი
თბილისი,
2006 წლის 24 ნოემბერი.
№3768–IIს