საქართველოს მთავრობის
დადგენილება №200
2005 წლის 3 ნოემბერი
ქ. თბილისი
საქართველოს მთავრობის 2005 წლის 11 აგვისტოს №132 დადგენილებით დამტკიცებულ ტყით სარგებლობის ლიცენზიის გაცემის წესისა და პირობების შესახებ დებულებაში ცვლილებისა და დამატების შეტანის თაობაზე
1. „ნორმატიული აქტების შესახებ“ საქართველოს კანონის 36-ე მუხლის საფუძველზე, საქართველოს მთავრობის 2005 წლის 11 აგვისტოს №132 დადგენილებით (საქართველოს საკანონმდებლო მაცნე, 12.08.2005 წელი, №94, მუხლი 1066) დამტკიცებულ ტყით სარგებლობის ლიცენზიის გაცემის წესისა და პირობების შესახებ დებულებაში შეტანილ იქნეს შემდეგი ცვლილება და დამატება:
ა) მე-2 მუხლის მე-4 პუნქტი ჩამოყალიბდეს შემდეგი რედაქციით:
„4. ხე-ტყეს ადგილობრივი მოსახლეობის პირადი მოხმარებისათვის თავიანთი კომპეტენციის ფარგლებში გასცემენ – სახელმწიფო საქვეუწყებო დაწესებულების – სატყეო მეურნეობის დეპარტამენტის შესაბამისი სატყეო მეურნეობები ან სახელმწიფო საქვეუწყებო დაწესებულების – დაცული ტერიტორიების დეპარტამენტის დაცული ტერიტორიების შესაბამისი ადმინისტრაციები მარტივი ადმინისტრაციული წარმოების წესით, რომლის საფუძველზეც ამ პუნქტში აღნიშნული ორგანოები გასცემენ საშეშე მერქნის კანონიერების დამადასტურებელ დოკუმენტს.”;
ბ) მე-4 მუხლს დაემატოს მე-5 პუნქტი შემდეგი რედაქციით:
„5. ამ მუხლის მე-4 პუნქტით გათვალისწინებული დოკუმენტის ფორმასა და გაცემის წესს ადგენს მინისტრი კანონქვემდებარე ნორმატიული აქტით.“.
2. დადგენილება ამოქმედდეს გამოქვეყნებისთანავე.
პრემიერ-მინისტრი ზ. ნოღაიდელი