საქართველოს პრეზიდენტის
ბრძანებულება №593
1996 წლის 8 სექტემბერი
ქ. თბილისი
„საქართველოს საბაჟო საქმის გაუმჯობესების, საბაჟო სისტემის რეორგანიზაციის ხელშეწყობის ღონისძიებათა და საერთაშორისო ტვირთზიდვის სფეროში სახელმწიფო წესრიგის განმტკიცების შესახებ“ საქართველოს პრეზიდენტის 1996 წლის 24 ივნისის №409 ბძანებულებაში ნაწილობრივ ცვლილებათა შეტანის შესახებ
საქართველოს ტრანსპორტის სამინისტროს შექმნასთან დაკავშირებით, რომლის სტრუქტურაში არ შევიდა სახელმწიფო კონცერნი „საქავტოგზა“, აგრეთვე მძიმეწონიან და მსხვილგაბარიტიან ავტოსატრანსპორტო საშუალებათა საქართველოს საერთო სარგებლობის საავტომობილო გზებზე გატარებისას მათ მიერ გზებისა და გზებზე საინჟინრო ნაგებობებისათვის მიყენებული ზარალის სავალდებულო კომპენსაციისათვის სათანადო პირობების შექმნის მიზნით „საქართველოში საბაჟო საქმის გაუმჯობესების, საბაჟო სისტემის რეორგანიზაციის ხელშემწყობ ღონისძიებათა და საერთაშორისო ტვირთზიდვის სფეროში სახელმწიფო წესრიგის განმტკიცების შესახებ“ საქართველოს პრეზიდენტის 1996 წლის 24 ივნისის №409 ბრძანებულებაში შეტანილ იქნეს შემდეგი ცვლილებები:
1. მე-2 პუნქტის 2.1. ქვეპუნქტი ჩამოყალიბდეს შემდეგი რედაქციით:
2.1. საქართველოს საბაჟო დეპარტამენტის საბაჟო გამტარ პუნქტებში თავის ფუნქციებს განახორციელებენ მხოლოდ საავტომობილო ტრანსპორტის სამინისტროსა და სახელმწიფო კონცერი „საქავტოგზის“ შესაბამისი სამსახურები საბაჟო დეპარტამენტის თანხმობის საფუძველზე“.
2. მე-7 პუნქტის პირველი სტრიქონი და ამავე პუნქტის 7.1. ქვეპუნქტი ჩამოყალიბდეს შემდეგი რედაქციით:
„7. საქართველოს ტრანსპორტის სამინისტრომ (მ. ადეიშვილი):
7.1. უზრუნველყოს სახელმწიფო საზღვრის გადაკვეთისას ავტოსატრანსპორტო საშუალებათა ტექნიკური მდგომარეობისა და ტრანსპორტთან დაკავშირებული სხვა მოთხოვნების (გარდა წონითი და გაბარიტული პარამეტრებისა) კონტროლი, ავტოსატრანსპორტო საშუალებათა რეგისტრაცია“.
ე. შევარდნაძე