საქართველოს იუსტიციის მინისტრის
ბრძანება № 201
2010 წლის 26 ოქტომბერი
ქ. თბილისი
„საოლქო პროკურატურების სამოქმედო ტერიტორიების განსაზღვრის შესახებ“ საქართველოს იუსტიციის მინისტრის 2008 წლის 7 ნოემბრის №254 ბრძანებაში ცვლილების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
მუხლი 1
„საოლქო პროკურატურების სამოქმედო ტერიტორიების განსაზღვრის შესახებ“ საქართველოს იუსტიციის მინისტრის 2008 წლის 7 ნოემბრის №254 ბრძანებით (სსმ III, 2008წ., №161, მუხ. 1627) დამტკიცებული დანართის პირველი პუნქტი ჩამოყალიბდეს შემდეგი რედაქციით:
„1. დასავლეთ საქართველოს საოლქო პროკურატურა – ქუთაისის, ზესტაფონის, სამტრედიის, საჩხერისა და ამბროლაურის რაიონული პროკურატურების სამოქმედო ტერიტორიები“.
მუხლი 2
ეს ბრძანება ამოქმედდეს 2010 წლის 26 ოქტომბრიდან.
ზ. ადეიშვილი