სახელმწიფო სარეგისტრაციო კოდი 270.090.000.08.002.004
საქართველოს პრეზიდენტის
ბრძანებულება №637
2008 წლის 30 დეკემბერი
ქ. თბილისი
„ავტონომიური რესპუბლიკების ხელისუფლებისა და ადგილობრივი თვითმმართველობის ორგანოების საჯარო მოსამსახურეთა შრომის ანაზღაურების მოწესრიგების თაობაზე“ საქართველოს პრეზიდენტის 2005 წლის 29 აგვისტოს №726 ბრძანებულებაში ცვლილებების შეტანის შესახებ
1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „ავტონომიური რესპუბლიკების ხელისუფლებისა და ადგილობრივი თვითმმართველობის ორგანოების საჯარო მოსამსახურეთა შრომის ანაზღაურების მოწესრიგების თაობაზე“ საქართველოს პრეზიდენტის 2005 წლის 29 აგვისტოს №726 ბრძანებულებაში (სსმ III, 2005 წ., №104, მუხ. 1155) შეტანილ იქნეს ცვლილებები და ბრძანებულების მე-2 პუნქტის „დ“ ქვეპუნქტით დამტკიცებული დანართი №4 ჩამოყალიბდეს შემდეგი რედაქციით:
„დანართი №4
მუნიციპალიტეტების წარმომადგენლობითი და აღმასრულებელი ორგანოების საჯარო მოსამსახურეთა თანამდებობრივი სარგოების ზედა ზღვარი
| № | თანამდებობათა დასახელება | თანამდებობრივი სარგოს ზედა ზღვარი (ლარობით) |
| 1. | საკრებულოს თავმჯდომარე | 2360 |
| 2. | გამგებლის პირველი მოადგილე, საკრებულოს თავმჯდომარის მოადგილე | 1100 |
| 3. | გამგებლის მოადგილე | 900 |
| 4. | სამსახურის უფროსი, გამგეობის აპარატის უფროსი, საკრებულოს აპარატის უფროსი |
700 |
| 5. | საკრებულოს კომისიის თავმჯდომარე, საკრებულოს ფრაქციის თავმჯდომარე |
650 |
| 6. | გამგეობის სამსახურის განყოფილების უფროსი | 500 |
| 7. | გამგებლის თანაშემწე, სხვა უფროსი საჯარო თანამდებობის პირი | 450 |
| 8. | გამგეობის ტერიტორიული ორგანოს ხელმძღვანელი – გამგეობის რწმუნებული |
400 |
| 9. | უმცროსი საჯარო თანამდებობის პირი | 420.“. |
2. ეს ბრძანებულება ამოქმედდეს 2009 წლის 1 იანვრიდან.
მ. სააკაშვილი