სახელმწიფო სარეგისტრაციო კოდი 010.320.020.22.034.014.925
საქართველოს შინაგან საქმეთა
მინისტრის ბრძანება № 697
2010 წლის 30 ივლისი
ქ. თბილისი
„საქართველოს შინაგან საქმეთა სამინისტროს ადმინისტრაციის დებულების დამტკიცების შესახებ“ საქართველოს შინაგან საქმეთა მინისტრის 2005 წლის 27 აპრილის №417 ბრძანებაში დამატებისა და ცვლილებების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს პრეზიდენტის 2004 წლის 27 დეკემბრის № 614 ბრძანებულებით დამტკიცებული დებულების მე-11 პუნქტის „ა“ და „ნ“ ქვეპუნქტების საფუძველზე, ვბრძანებ:
მუხლი 1.
„საქართველოს შინაგან საქმეთა სამინისტროს ადმინისტრაციის დებულების დამტკიცების შესახებ“ საქართველოს შინაგან საქმეთა მინისტრის 2005 წლის 27 აპრილის № 417 ბრძანებით დამტკიცებულ დებულებაში (სსმ III, 28.04.2005 წ., № 52 მუხ. 567) შეტანილ იქნეს შემდეგი დამატება და ცვლილებები:
1. მე-4 მუხლს დაემატოს შემდეგი შინაარსის „კ 1 “ ქვეპუნქტი:
„კ 1 ) სამინისტროს ხელმძღვანელი თანამდებობის პირების მიერ უცხო ქვეყანაში გასამგზავრებელი ვიზების მისაღებად საჭირო პროცედურების განხორციელების უზრუნველყოფა;“.
2. დებულების მე-7 მუხლის პირველი პუნქტის „გ“ და „დ“ ქვეპუნქტები ჩამოყალიბდეს შემდეგი რედაქციით:
„გ) საპროტოკოლო სამმართველო;
დ) საჯარო ინფორმაციის გაცემის ბიურო (განყოფილება);“.
3. მე-8 მუხლის მე-3 პუნქტი ჩამოყალიბდეს შემდეგი რედაქციით:
„3. საპროტოკოლო სამმართველოს ამოცანები და კომპეტენცია განისაზღვრება ამ დებულების მე-3 მუხლის „ბ“ ქვეპუნქტითა და მე-4 მუხლის „კ“, „კ 1 “, „ლ“, „მ“, „ძ“, და „ხ“ ქვეპუნქტებით.“.
მუხლი 2.
ბრძანება ამოქმედდეს 2010 წლის 1 აგვისტოდან.
ი. მერაბიშვილი