სახელმწიფო სარეგისტრაციო კოდი 070.030.000.22.027.014.983
საქართველოს იუსტიციის მინისტრის
ბრძანება №150
2010 წლის 13 აგვისტო
ქ. თბილისი
„აღმასრულებლის დისციპლინური პასუხისმგებლობის შესახებ დებულების დამტკიცების თაობაზე” საქართველოს იუსტიციის მინისტრის 2008 წლის 30 სექტემბრის №226 ბრძანებაში ცვლილების და დამატების შეტანის თაობაზე
„ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:
მუხლი 1.
„აღმასრულებლის დისციპლინური პასუხისმგებლობის შესახებ დებულების დამტკიცების თაობაზე” საქართველოს იუსტიციის მინისტრის 2008 წლის 30 სექტემბრის №226 ბრძანებით (სსმ III, 30.09.2008წ., №143, მუხ. 1422) დამტკიცებულ აღმასრულებლის დისციპლინური პასუხისმგებლობის შესახებ დებულებაში შევიდეს შემდეგი ცვლილება და დამატება:
1. ბრძანების პრეამბულა ჩამოყალიბდეს შემდეგი რედაქციით:
„სააღსრულებო წარმოებათა შესახებ“ საქართველოს კანონის მე-12 მუხლის შესაბამისად, ვბრძანებ:“.
2. მე-2 მუხლს დაემატოს შემდეგი რედაქციის „დ“, „ე“, და „ვ“ ქვეპუნქტები:
„დ) სამსახურებრივ მოვალეობათა ბრალეული შეუსრულებლობის ან არაჯეროვნად შესრულებისათვის;
ე) დაწესებულებისათვის ქონებრივი ზიანის მიყენებისათვის ან ასეთი ზიანის წარმოშობის საშიშროების ბრალეული შექმნისათვის;
ვ) ზოგადზნეობრივი ნორმების დარღვევისათვის, ასევე აღმასრულებლის და დაწესებულების დისკრედიტაციისაკენ მიმართული უღირსი საქციელი (ბრალეული ქმედება), განურჩევლად იმისა, სამსახურშია ჩადენილი თუ მის გარეთ.“.
მუხლი 2.
ეს ბრძანება ამოქმედდეს გამოქვეყნებისთანავე.
ზ. ადეიშვილი