საქართველოს პრეზიდენტის
ბრძანებულება №617
2007 წლის 5 ნოემბერი
ქ. თბილისი
საჯარო სამართლის იურიდიული პირის – საქართველოს ბავშვთა ფედერაციის რეორგანიზაციისა და საჯარო სამართლის იურიდიული პირის – ბავშვთა და ახალგაზრდობის ეროვნული ცენტრის შექმნის შესახებ
1. „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად რეორგანიზებულ იქნეს „საქართველოს ბავშვთა ფედერაციის შესახებ“ საქართველოს პრეზიდენტის 1999 წლის 14 აპრილის №139 ბრძანებულებით შექმნილი საჯარო სამართლის იურიდიული პირი – საქართველოს ბავშვთა ფედერაცია და მის ბაზაზე შეიქმნას საჯარო სამართლის იურიდიული პირი – ბავშვთა და ახალგაზრდობის ეროვნული ცენტრი (შემდეგში – ცენტრი).
2. საქართველოს სპორტისა და ახალგაზრდობის საქმეთა სამინისტრომ:
ა) განახორციელოს ცენტრის სახელმწიფო კონტროლი;
ბ) უზრუნველყოს ცენტრის დებულების დამტკიცება და წარმომადგენლობაზე უფლებამოსილი პირის დანიშვნა.
საქართველოს პრეზიდენტის 2010 წლის 22 ივლისის ბრძანებულება №536-სსმIII, №90, 26.07.2010წ., მუხ.1319
3. საქართველოს ეკონომიკური განვითარების სამინისტრომ (გ. არველაძე) უზრუნველყოს საქართველოს კულტურის, ძეგლთა დაცვისა და სპორტის სამინისტროს წინადადების საფუძველზე ცენტრისათვის შესაბამისი ქონების კანონმდებლობით დადგენილი წესით გადაცემა.
4. ამ ბრძანებულების მე-2 პუნქტით გათვალისწინებული დებულების ამოქმედებისთანავე ძალადაკარგულად გამოცხადდეს „საქართველოს ბავშვთა ფედერაციის შესახებ“ საქართველოს პრეზიდენტის 1999 წლის 14 აპრილის №139 ბრძანებულება.
5. ბრძანებულება ამოქმედდეს გამოქვეყნებისთანავე.
მ. სააკაშვილი
შეტანილი ცვლილებები:
1. საქართველოს პრეზიდენტის 2010 წლის 22 ივლისის ბრძანებულება №536-სსმIII, №90, 26.07.2010წ., მუხ.1319
2. ძალადაკარგულია - საქართველოს პრეზიდენტის 2015 წლის 14 იანვრის ბრძანებულება №7 – ვებგვერდი, 15.01.2015წ.