სახელმწიფო სარეგისტრაციო კოდი 010.240.030.22.033.014.618
საქართველოს ფინანსთა მინისტრის
ბრძანება №376
2010 წლის 11 მაისი
ქ. თბილისი
„საქართველოს ფინანსთა სამინისტროს ცენტრალური აპარატისა და სახელმწიფო საქვეუწყებო დაწესებულებების საჯარო მოსამსახურეთა თანამდებობრივი სარგოების შესახებ“ საქართველოს ფინანსთა მინისტრის 2009 წლის 22 იანვრის №25 ბრძანებაში ცვლილებების შეტანის შესახებ
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
მუხლი 1
„საქართველოს ფინანსთა სამინისტროს ცენტრალური აპარატისა და სახელმწიფო საქვეუწყებო დაწესებულებების საჯარო მოსამსახურეთა თანამდებობრივი სარგოების შესახებ“ საქართველოს ფინანსთა მინისტრის 2009 წლის 22 იანვრის №25 ბრძანებაში (სსმ III, 26.01.09, №10, მუხლი 93) შეტანილ იქნეს შემდეგი ცვლილებები:
1. ბრძანების პირველი პუნქტი ჩამოყალიბდეს შემდეგი რედაქციით:
„1. განისაზღვროს საქართველოს ფინანსთა სამინისტროს ცენტრალური აპარატისა და სახელმწიფო საქვეუწყებო დაწესებულებების საჯარო მოსამსახურეთა თანამდებობრივი სარგოები №1, №3 და №5 დანართების შესაბამისად.“.
2. ბრძანებით დამტკიცებული დანართი №4 ამოღებულ იქნეს.
მუხლი 2
ეს ბრძანება ამოქმედდეს 2010 წლის 11 მაისიდან.
კ. ბაინდურაშვილი