სახელმწიფო სარეგისტრაციო კოდი 010.240.030.22.033.014.431
საქართველოს ფინანსთა მინისტრის
ბრძანება №254
2010 წლის 31 მარტი
ქ. თბილისი
„საქართველოს ფინანსთა სამინისტროს სისტემაში სტაჟირების გავლის წესის დამტკიცების შესახებ“ საქართველოს ფინანსთა მინისტრის 2007 წლის 10 ოქტომბრის №1131 ბრძანებაში ცვლილებების შეტანის შესახებ
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
მუხლი 1
„საქართველოს ფინანსთა სამინისტროს სისტემაში სტაჟირების გავლის წესის დამტკიცების შესახებ“ საქართველოს ფინანსთა მინისტრის 2007 წლის 10 ოქტომბრის №1131 ბრძანებაში (სსმ III, 16.10.07, №144, მუხლი 1602) შეტანილ იქნეს შემდეგი ცვლილებები:
1. ბრძანების პირველი მუხლი ჩამოყალიბდეს შემდეგი რედაქციით:
„მუხლი 1
ეს წესი განსაზღვრავს საქართველოს ფინანსთა სამინისტროს (შემდგომში – სამინისტრო) ცენტრალურ აპარატში და სახელმწიფო საქვეუწყებო დაწესებულებებში სტაჟირების გავლის წესსა და პირობებს.“.
2. ბრძანებით დამტკიცებული დანართი №1-ის 12.1 პუნქტი ჩამოყალიბდეს შემდეგი რედაქციით“
„12.1. საქართველოს ფინანსთა სამინისტროს ცენტრალური აპარატი
□ საგარეო ურთიერთობათა დეპარტამენტი
□ იურიდიული დეპარტამენტი
□ ადმინისტრაციული დეპარტამენტი
□ მინისტრის აპარატი
□ საბიუჯეტო დეპარტამენტი
□ ფინანსური პოლიტიკის დეპარტამენტი
□ საზოგადოებასთან ურთიერთობის დეპარტამენტი
□ დავების განხილვის სამსახური.“.
მუხლი 2
ეს ბრძანება ამოქმედდეს 2010 წლის 1 აპრილიდან.
კ. ბაინდურაშვილი