საქართველოს ფინანსთა მინისტრის
ბრძანება №720
2010 წლის 14 სექტემბერი
ქ. თბილისი
„ქონების გადასახადის გამოანგარიშებისა და გადახდის წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2009 წლის 30 მარტის №194 ბრძანებაში ცვლილების შეტანის შესახებ
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
მუხლი 1.
„ქონების გადასახადის გამოანგარიშებისა და გადახდის წესის შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2009 წლის 30 მარტის №194 ბრძანებით (სსმ, 03.04.09, III ნაწილი, №42, მუხლი 488) დამტკიცებული ინსტრუქციის მე-5 მუხლის 21 პუნქტი ჩამოყალიბდეს შემდეგი რედაქციით:
„21 დასაბეგრი ქონების ამ მუხლის მეორე პუნქტის „ბ.ა“-„ბ.დ“ ქვეპუნქტებით გათვალისწინებული აფასება არ ვრცელდება:
ა) საწარმოზე, თუ იგი თავის ბალანსზე რიცხულ უძრავ ქონებას აღრიცხავს გადაფასების მეთოდის გამოყენებით და მას აქვს საქართველოს მთავრობის დადგენილებით განსაზღვრული პირების მიერ აუდიტირებული ფინანსური ანგარიშგება;
ბ) საქართველოს მთავრობის მიერ განსაზღვრულ სახელმწიფო საწარმოებზე.
შენიშვნა: აღნიშნული ნორმის მოქმედება ვრცელდება 2009 წლის და მის შემდგომ საგადასახადო პერიოდებზე.“.
მუხლი 2.
ეს ბრძანება ამოქმედდეს გამოქვეყნებისთანავე.
კ. ბაინდურაშვილი